النــور تحـوّل سـواد
قمت من النوم فجأة
في عيني نور غريب وقوي جدا
استغربت النور ده كله جاي منين
واندهشت لما لقيت الساعه بتشاور على 3 الصبح
وان مصباح الأوضه مطفي
طيب النور ده كله جاي منين
وانفزعت لما لقيت نص ايدي جوّة الحيطه
شديتها بسرعة
خرجت
وانا بابصّلها بكل اندهاش
رجّعتها تاني لقيتها دخلت جوة الحيطة
استغربت ايه اللي بيحصلّي ده
وسمعت صوت ضحك
بصيت ناحيته
لقيت اخويا نايم جمبي
ولقيته بيحلم
بيحلم انه راكب عربية اخر موديل
وانه رايح حفلة كبيرة قوي
لناس اغنيا قوي
وانه لابس اغلى واشيك لبس
عشان يكون احلى واحد في الحفلة
وكان بيضحك وفرحان
ابتسمت
بعدين اتفزعت من اللي بيحصل
وقمت من على السرير
وجريت على اوضة امي وابي
قعدت اصحّي فى امي واطبطب عليها
وانادي عليها بس هيّ مش بتستجيب
قعدت انادي كتير واطبطب كتير
ولقيتها فجأة قامت
كانت مخضوضة قوي
وبتبص يمين وشمال
قولتلها يا ماما انتي مش شيفاني
لقيتها مش بترد
ولا بتبصلّي
قعدت انادي
ماما
ماما
كانت حاطّة ايدها على قلبها
وبتقول بسم الله الرحمن الرحيم
ولقيتها بطبطب على بابا وبتصحيه
وقام
***********
قالت له قوم نطّمّن على الاولاد
قالها: ده وقته؟
قالتله معلش قلبي مش مطمن
فيه حاجة غريبة
وانا واقف مستغرب
قعدت اقولها: يا ماما..انا اهو يا ماما
انتي مش شايفاني؟..ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدامها
عدّت من جوايا
ملقتش غير انى امشي وراها
دخلت امى الاوضة وفتحت النور
مكنش عندي فرق لأن الدنيا كانت منوّرة اصلا
انفزعت لما لقيتني نايم على السرير
وقعدت ابص لجسمي وايدي وانا مستغرب
انا ازاي بقيت اتنين؟
انا مين؟
ومين اللي نايم على السرير ده ان ماكانش انا؟
وقطع استغرابي جملة بابا
"استريحتي يا ستي؟.. اهم نايمين اهو "
لكن هيّ قالتله معلش.. انا عاوزه أطمن على محمد
ولقيتها بتقرّب مني
قصدي من الشخص اللي نايم مكاني
وبتطبطب عليه
كانت بتقوله يامحمد
لكن هو مش بيرد
وكانت بتطبط.. بشويش
وبدأت تهزه جامد
جريت عليها
وقلتلها يا ماما انا اهو.. ردّي عليا
لكن صوتها كان بيزيد خوف وكان بيعلى
***********
كانت بتنادي
محمد
محمد
وفجأة صرخت ولقيت الصرخة بتوجعنى قوي
كانها بتضربني
بكيت
وقلتلها ما تصرخيش
وهيّ بتقول محمد
وبابا جري عليّ وحط ايده على وشّي وصرخ وبكى
وحسيت بالوجع تاني
محمد
مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسأل فيه ايه؟
ماما صرخت
اخوك مات يا احمد
مات
وانا بقولها ببكائي: لأ والله
ياماما.. انا أهو.. شوفيني شوفيني
انتي مش سمعاني؟
لكن ما فيش امل
بصيت للسما وقلت يارب ايه اللي بيحصل ده؟
لكن ما لقتش سقف
وشفت ناس
ولما شوفتهم.. مشيوا
وحسيت بطعنة غريبة
وحجات بتقطعني
بصيت لأحمد لقيته بيصرخ
قلتله: اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
***********
وقفت قدامهم عاجز
ومذهول
رفعت راسي تاني
وقلت يارب
ايه اللي بيحصل يارب؟
فيه ايه؟
وسمعت صوت من كل حته
كان جاي من بعيد
ركّزت معاه
لقيته بيعلى..وبيزيد
كأنه قرآن.. أيوة قرآن
والصوت بدأ يقوى
يقوى قوي
هزّني من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ
وفى ذهول الصوت
لقيت ايدين بتطبق عليّا
اتنين شكلهم مش من البشر
بيقوليلي تعالى
قلتهم انتم مين؟
وعاوزين مني ايه؟
شدوني
صرخت: سيبوني
ما تخدونيش من اهلي
اهلي فاكرنّي مت
قالولي: ما انت مت فعلا
قلتلهم: ازاي؟
ما انا شايف اهو وبتكلم وحاسس بكل حاجة
ابتسموا وقالوا: عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
سألتهم انا فين وانتو واخدنّي على فين؟
قالولي: احنا حراسك لحد القبر
اتفزعت
قبر ايه
انتوا هتدخلونى القبر
ردوا: كل انسان لازم يدخل القبر
بس انا عمرى ما دخلت القبر
ده مكتوب على كل البشر
***********
طول عمرى كنت باكره الكلمه دي
مبحبش اسمعها.. باستعيذ بالله منها وبحاول انساها
ماكنتش باقدر اتخيل نفسي فى المكان الصعب ده
سألتهم بخوفي: هتسيبوني؟
قالولي: مع عملك
طيب وعملى ده كويس؟
سكتوا
ولقيت واحد بيصرخ وبيبكي وواحد تاني سعيد قوي
وكل واحد فيهم واقف معاه اتنين برضة زي اللي معايا
سألتهم ده بيبكي ليه؟
قالوا: ده عارف مصيره
طول عمره كان من اهل الضلال
قلت: يعني رايح النار
واللي بيضحك ده رايح الجنة
طيب انا.. رايح على فين؟
قولولي
ردوا عليا: هما كانو عارفين هما ايه في الدنيا.. ودلوقتي عارفين هما فين في الاخرة
وانت عشت طول عمرك تايه.. متردد
شوية تمشي صح وشوية تمشي غلط
شوية تتوب وترجع تعصي تاني
ماكنتش واضح
هتفضل برضة النهاردة تايه مش عارف حاجة
***********
اتفزعت وقلت: ايه؟
يعنى ايه؟
انا رايح النار؟
قالولي: رحمة ربنا واسعة
ولسة الرحلة طويلة
بصيت ورايا لقيت عمي وابويا واخويا
ماشين وراهم امي واهلي بيبكوا
شايلين صندوق
جريت عليهم.. ناديت
محدش بيرد
ناديت على امى
قلتلها: يا امي ما تبكيش
ادعيلي
ناديت على بابا
قلته يا بابا: خلى بالك من امى واخويا
ناديت على احمد
قلتله: يا احمد خلى بالك من نفسك.. سيبك من الدنيا ومتاعها
دي رخيصة قوي
صدقني مش هتنفعك
ناديتهم كلهم
بس كانو مشغولين بالبكاء
ومحدش سامعني
مكنتش بتمنى حاجة فى اللحظة دي
الا انهم يسمعوني
وشدوني الملكين
ونزّلونى القبر
ونيّمونى فوق الجسد
عشان اشوف ابويا وهو بيرمى التراب عليّا بنفسه
علشان اشوفهم وهما بيودعوني
***********
مش حاسين
باللي انا حاسه
وحسدي ليهم انهم لسه فى الدنيا
بس للأسف
كنت بابكي وهما بيبكوا
كنت خايف عليهم من الدنيا قوي
واتمنى لو اصرخ ولو يسمعوني
وخرجوا كلهم
وقفلوا الباب
والنـور تحوّل سـواد
عقارب الساعة
نخطيء كثيراً حين نظن أن عقارب الساعة لا تلسع و لا تقتل
لكنها تمارس فينا أبشع أنواع القتل
لأنها تلسع وقتنا.. وتقتل عمرنا.. ونحن لا ندرك
وهذا النوع من العقارب لا ندرك خطورته إلا حين نلمح زحف الأيام علينا
عندها ندرك أن عقارب الساعة في زحفها بين الثواني و الدقائق
قد إختلست أجمل العمر
ترى؟
هل فكر أحدكم في هذا يوماً ؟
*******
عقارب الدراسة
على الرغم من صغر هذا النوع من العقارب إلا أنها قد تؤذي بعمق
لأنها تظهر في حياتنا في مرحلة مهمة من مراحل العمر وتلتصق بنا في وقت لا نجيد فيه إستخدام العقل كثيراً
وتبثُ سمومها في برائتنا
وقد تُرافقنا سمومها إلى بقية مراحلنا
وربما تحولنا سمومها المبكرة فينا مع الوقت إلى.. عقارب
*******
عقارب الصداقة
قد تحتاج إلى الكثير من الوقت لاكتشاف سموم هذا النوع من العقارب
لأن ثقتك العمياء بعقارب الصداقة تجعلك تستبعد أن يكونوا مصدر السموم الحقيقي في حياتك
و قد تستهلك الكثير من العمر وأنت تبحث
في جدار خصوصياتك عن الثغرة التي تتسَرب منها أسرارك إلى الآخرين و تستهلك الكثير من الغباء وأنت تشكو لهم همومك و يجيدون الإنصات لك
وفي أعماقهم ضحكة سُخرية لا تسمعها أنت لأن بينك و بينها جداراً من الثقة
وقد يؤدي اكتشافك وجود هذا النوع من العقارب في حياتك إلى فقدان الثقة بالآخرين .. و تجنُب الالتصاق بهم
*******
عقارب العمل
هؤلاء .. قد لا يكونون أخطر أنواع العقارب في عمرك
لكنهم من أقذر أنواعها لأنهم يبثون سمومهم في رزقك و مصدر عيشك
وهذا النوع لا يظهر ولا يتكاثر إلا.. بموت الضمير
ويجيد بث سمومه بطرق ملتوية وفي سرية تامة
وقد يبيح لنفسه لسعك بسمومه
فقط لأنك تتقدمه وتقف أمامه
وقد لا تستطيع التخلص منه مهما حاولت
لأن وجوده في محيط عملك أمرٌ لا تستطيع تغييره
و قد لا تسعفك ظروفك إلى الرحيل من المكان تجنباً لسمومه
فتضطر و بإسم الحاجة, إلى إحتمال هذا النوع البغيض من العقارب الذي يتكاثر بشكل مخيف.. ولا يخلو منه مجال
*******
عقارب الحـــب
هذا النوع من العقارب من أشد أنواع العقارب خطورة عليك لشدة إلتصاقه بك و بحلمك
و لسعته إن لم تقتلك ...دمرتك
وهذا النوع من العقارب يتخصص في الحلم والإحساس
فإن كنت كتلة من الحلم و الإحساس فإن لسعته تُنهيك تماماً
وقد تتجاهل سريان سمومه فيك و تحتمل الآلام
و تزداد التصاقاً به لأنك وصلت إلى مرحلة متقدمة من.. إدمانه
*******
عقارب الربيع
هؤلاء تلتقيهم في ربيع عمرك في وقت تكون فيه في أمس الحاجة إلى واحة دافئة تحتويك وتبث الأمن في نفسك المُرهقة المنهكة من فصول الحياة وتُطمئن إحساسك المخيف بإستقبال
ربيع العمر
فيقتحمون هدوءك
لا يحترمون ربيعك
يمنحوك بعض الوهم المُقيت
يبثون سمومهم في استقرارك النفسي
و يستغلون حاجتك إلى إعادة الزمن الجميل من جديد
ويمارسون أدوارهم في الخفاء
ويُفاجئونك بلسعتهم السامة كعقارب الرمل
*******
عقارب الأقارب
كان يُقال في الماضي: الأقارب عقارب
وكان يقال أيضاً: أقرب لك .. عقرب لك
و قلة قليلة تلك التي لم تتذوق لسعة هذا النوع من العقارب
وسموم هذا النوع هي الأكثر ألماً لأنها جاءت من الأقرب الذي كان يجب أن يكون الأقرب لنا في كل شيء
*******
وقبل أن يُرعبنا المساء.. لا تحص عدد العقارب حولك أو في عمرك
كي لا تكتشف أنك قضيت عمرك في جُحر العقارب
